प्रशासनको सूचना लात हान्दै, सिन्धुलीमाढीमा लाग्याे शनिवारे हाट



सिन्धुली । देशभर कोरोना सङ्क्रमितको सङ्ख्या बडेसँगै  जिल्ला कोभिड संकट व्यवस्थापन केन्द्र, सिन्धुलीको बैशाख ८ गतेको  बैठकले जिल्ला भित्रका  पार्टी प्यालेस, क्लब, हेल्थ क्लब, जिम खाना, स्विमिङ पुल, सभा, आमसभा, जुलुस, र हाटबजार मानिसहरूको भिडभाड हुने अन्य सबै प्रकारका कार्यक्रम  बैशाख मसान्तसम्म बन्द गर्ने निर्णय गरेको थियो ।

तर जिल्ला प्रशासन कार्यालय सिन्धुलीको सूचना लाई बेवास्ता गरेर सिन्धुलीमाढी हाट बजार संचालक समितिले शनिबारे हाट लगाएको छ ।


प्रशासनको सूचनामा  भौतिक रूपमा उपस्थित भई गर्नै पर्ने भएमा बढीमा पच्चीस जना भन्दा बढी सहभागी गर्न नपाइने  जनस्वास्थ्यका मापदण्ड पालना गर्नुपर्ने भनिएको थियो ।


तर हाट बजारमा न सामाजिक दुरी कायम थियो त  न हाट बजारमा आउनेहरूले मास्क नै लगाएका थिए ।  प्रशासनले कुनै व्यक्तिले मास्क नलगाई आएमा व्यवस्थापकले बढीमा दश रुपैंया लिई मास्क उपलब्ध गराउनु पर्नेछ भनेको थियो ।


हामीले यस विषयमा बुझ्न हाटबजार संचालक समितिको कार्यालयमा पुगेका थियौँ । कार्यालय पुग्दा न कार्यालय खोलिएको थियो न त त्यहाँ कुनै कर्मचारी नै थिए । हामीले संचालक समिति अध्यक्ष बद्री कार्की सँग यस बारेमा बुझ्न सम्पर्क गरेको थियौँ तर उनेकाे फोन अफ गरिएकाले थियो ।


यता गाेलन्जाेर गाउँपालिकाले कोरोना भाइरस  लाई मध्यनजर गर्दै यस अघि नै पालिका भित्र लाग्ने साप्ताहिक हाटबजार बन्द गरी सकेको थियो।



प्रतिक्रिया दिनुहोस !
सम्बन्धित खबरहरु

सिन्धुली। मानव अधिकार एलायन्स सिन्धुलीका अध्यक्ष दुर्गाराज पौडेल निर्दोष ब्यक्तिहरुलाई झुठ्ठा आश्वासनमा फसाइएको भन्दै जिल्ला प्रहरी कार्यालय सिन्धुलीमा अनशन बसेका

डिल्लीराम चौलागाई तत्कालिन भिमान गाउँ पञ्चायतको उप प्रधानपञ्च थिए उनका छोरा चित्र नारायण चौलागाई २०५४ सालमा एमालेबाट कमलामाई नगरपालिका १२

नेपाली कांग्रेसबाट गोलन्जोर गाउँपालिकामा निर्वाचित भएका अध्यक्ष पुष्प कार्कीले पदको दुरुपयोग गर्दै आफ्नो पाँच वर्षे कार्यकालमा फूपूको नाति देखी पार्टीका