सिन्धुलीमा चाैबिस घण्टा मै काेराना संक्रमाणबाट ३ महिलाको मृत्यु, ७ जना कोरोना जीते डिस्चार्ज



सिन्धुली । सिन्धुलीमा वितेको चौविस घण्टामा काेराना संक्रमाणबाट ३ महिलाको मृत्यु भएको छ ।

मृत्यु हुनेमा मरिण गाउँपालिका वडा नं. ४ की ५२ वर्षकी महिला, दुधौली नगरपालिका ११ की ९३ वर्षकी महिला र कमलामाई नगरपालिका ४ की ८२ वर्षकी महिला रहेका छन ।

मरिणकी महिलाको कपिलाकोट प्राथमिक स्वास्थ्य केन्द्रमा, दुधौलीकी महिलाको घरमै र कमलामाईकी महिलाको सिन्धुलीको कोभिड १९ अस्पतालमा लाने क्रममा मृत्यु भएको स्वास्थ्य कार्यालय सिन्धुलीले जनाएको छ ।

दमको रोगी समेत रहेकी मरिणकी महिलाको जेठ ११ गते कोभिड १९ पोजेटिभ आएको थियो । दुधौलीकी महिलाको जेठ ३ गते र कमलामाईकी महिलाको जेठ १० गते कोरोना पोजेटिभ देखिएको थियो ।


मंगलबार ७ जनाले कोरोना जितेर डिस्चार्ज भएका छन । उनीहरुसँगै जिल्लामा कोरोना जित्नेको संख्या १९० पुगेको छ ।

८४ जना नयाँ संक्रमित

त्यसैगरी सिन्धुलीमा ८४ जना नयाँ संक्रमित भेटिएका छन । संक्रमित हुनेमा कमलामाई, गोलञ्जोर गाउँपालिका, सुनकोशी गाउँपालिका, घ्याङ्लेख गाउँपालिका, तिनपाटन गाउँपालिका र मरिण गाउँपालिकाका व्यक्ति रहेका छन ।

जिल्लामा १७१ जनाको पिसिआर परिक्षण गरिएकोमा ८४ जनाको रिपोर्ट पोजेटिभ आएको हो । यो सँगै जिल्लामा कोरोना संक्रमित हुनेको संख्या १ हजार २ सय २७ पुगेको छ ।



प्रतिक्रिया दिनुहोस !
सम्बन्धित खबरहरु

सिन्धुली । गोलन्जोर गाउँपालिकाका नवनिर्वाचित अध्यक्ष शंकर राज बरालले आज पद वाहाली सँगै सल्लाहकार समिती निर्माण गर्ने निर्णय गरेका छन।

सिन्धुली। गत २०७८ साल फाल्गुण २३ गते वि.पि. राजमार्गमा मोटरसाईकल दुर्घटनामा परि ज्यान गुमाएका पत्रकार अन्जन रानालाई नेश्नल लाईफ इन्सुरेन्स

सिन्धुली। मानव अधिकार एलायन्स सिन्धुलीका अध्यक्ष दुर्गाराज पौडेल निर्दोष ब्यक्तिहरुलाई झुठ्ठा आश्वासनमा फसाइएको भन्दै जिल्ला प्रहरी कार्यालय सिन्धुलीमा अनशन बसेका