करेन्ट लागेर सिन्धुलीमा शान्तिमाया को मृत्यु



सिन्धुलीमा विद्युतको करेन्ट लागेर एक किशोरीको मृत्यु भएको छ ।

जिल्लाको कमलामाई नगरपालिका वडा नं. ७ बाँसकटेरी कि २१ वर्षीय शान्तिमाया थिङको सोमबार भएको करेन्ट लागेर मृत्यु भएको हो ।


घरबाट सदरमुकाम सिन्धुलीमाढी जान्छु भनी हिँडेकी थिङको हावाहुरी आउँदा बिजुलीको ११ हजार भोल्टेजको तार चुँडिएर भुईँमा लत्रिएको र सोही कारण करेन्ट लागि  घटनास्थलमा नै मृत्यु भएको जिल्ला प्रहरी कार्यालयले सिन्धुलीका डिएसपी मनोज कुमार लामाले बताए।

उनीसँगै बजार  आएकी १५ वर्षीय गीता पाण्डे भने सामान्य घाइते भएको र स्थानीय मेडिकलमा उपचार भई रहेको जिल्ला प्रहरी कार्यालय सिन्धुलीले जनाएको छ ।


उनका अनुसार घटनास्थलमा प्रहरी टोली गई कानुनी प्रक्रिया पुरा गरी मृतकको लास पोष्टमाटमको लागि जिल्ला अस्पताल सिन्धुलीमा ल्याइएको छ ।


विद्युत् प्राधिकरणको लापरबाहीको कारण तार चुँडिएको स्थानीयले आरोप लगाएका छन् ।

गत वर्ष पनि बास्कटेरीमा करेन्ट लागेर एक जनाको मृत्यु भएको थियो ।



प्रतिक्रिया दिनुहोस !
सम्बन्धित खबरहरु

सिन्धुली। मानव अधिकार एलायन्स सिन्धुलीका अध्यक्ष दुर्गाराज पौडेल निर्दोष ब्यक्तिहरुलाई झुठ्ठा आश्वासनमा फसाइएको भन्दै जिल्ला प्रहरी कार्यालय सिन्धुलीमा अनशन बसेका

डिल्लीराम चौलागाई तत्कालिन भिमान गाउँ पञ्चायतको उप प्रधानपञ्च थिए उनका छोरा चित्र नारायण चौलागाई २०५४ सालमा एमालेबाट कमलामाई नगरपालिका १२

नेपाली कांग्रेसबाट गोलन्जोर गाउँपालिकामा निर्वाचित भएका अध्यक्ष पुष्प कार्कीले पदको दुरुपयोग गर्दै आफ्नो पाँच वर्षे कार्यकालमा फूपूको नाति देखी पार्टीका