कांग्रेसले आफ्नै निर्णयको धज्जी उडाउँदै माग्यो, सार्वजनिक जग्गा



नेपाली कांग्रेसले सिन्धुलीको फिक्कल गाउँपालिकामा एमाले ले सार्वजनिक जग्गा अतिक्रमण गरेर मदन-आश्रित प्रतिष्ठानको भवन निर्माण गरेकोमा आपत्ति जनाउँदै रोक्नको लागि माग गरेको थियो ।


गाउँ कार्यपालिकाको बैठकले एमाले लाई फिक्कल गाउँपालिका-४ खाङ्गसाङ्ग बेसीमा रहेको सार्वजनिक जग्गामा मदन-आश्रित प्रतिष्ठानको भवन बनाउन स्वीकृति  दिएको थियो ।


एमालेले भवन निर्माण कार्य सुरुवात गरेपछि फिक्कल कांग्रेसले बदरको माग  गर्दै बन्दै गरेको संरचना समेत भत्काउन माग राखेर जिल्ला प्रशासन कार्यालय समेतमा उजुरी दिएको थियो ।


जिल्ला प्रशासन कार्यालय सिन्धुलीको नेतृत्वमा मालपोत,नापी र डिभिजन वन कार्यालय सिन्धुलीका प्रतिनिधिहरुले स्थलगत अनुगमन समेत गरेका थिए । तर,उनीहरूले स्थलगत प्रतिवेदन समेत सार्वजनिक गरेका छैनन् । 


तर, नेकपा एमालेले मदन-आश्रित प्रतिष्ठानको भवन बनाउँदा स्थानीय सरकारको मिलेमतोमा सार्वजनिक भूमि अतिक्रमण गरेको आरोप लगाएको  कांग्रेस आफै अहिले बिपी स्मृति प्रतिष्ठानको भवन बनाउन बजेट र जग्गा सहित माग्दै गाउँपालिका पुगेको छ ।


कांग्रेसले बिपी स्मृति प्रतिष्ठानको भवन निर्माणको लागि फिक्कल गाउँपालिका-४ सोखुटार स्थित कित्ता नं २ को पूर्वमा निर्माणाधीन आइसोलेसन पश्चिममा खाङ्गसाङ्गखोला उत्तरमा सुनकोशी नदी र दक्षिणमा मध्यपहडी लोक मार्ग चार किल्ला भित्रको जग्गा मागेको छ । भने उसले, गाउँपालिकाको विकास बजेट विनियोजन बाट बिपी स्मृति प्रतिष्ठानको भवन निर्माणको लागि माग गरेको छ।


अन्ततः एमालेले गरेको सरकारी सार्वजनिक जग्गाको अतिक्रमण रोक्न हिँडेको नाटक गर्ने कांग्रेस पुनः एमाले सँगै मिलेर अतिक्रमणमा सघाउने देखिन्छ ।



प्रतिक्रिया दिनुहोस !
सम्बन्धित खबरहरु

डिल्लीराम चौलागाई तत्कालिन भिमान गाउँ पञ्चायतको उप प्रधानपञ्च थिए उनका छोरा चित्र नारायण चौलागाई २०५४ सालमा एमालेबाट कमलामाई नगरपालिका १२

नेपाली कांग्रेसबाट गोलन्जोर गाउँपालिकामा निर्वाचित भएका अध्यक्ष पुष्प कार्कीले पदको दुरुपयोग गर्दै आफ्नो पाँच वर्षे कार्यकालमा फूपूको नाति देखी पार्टीका

पाँच वर्ष अगाडि २०७४ सालमा गोलन्जोर गाउँपालिकाको नेतृत्व सम्हाले पछि नेपाली कांग्रेसबाट चुनाव जितेको पुष्प कार्कीले गाउँपालिकाको गौरवको आयोजना भनेर